Skip to main content
وروستي خبرونه
تصویر بندانگشتی

د ا.ا اړیکې او سیمه‌ییز ثبات؛ اسلام‌اباد کې د ایران سفیر د خبرو چورلیز

په اسلام اباد کې د ایران سفیر رضا مقدم امیري، د اسلامي امارت او د سیمې د هېوادونو ترمنځ د سیاسي او اقتصادي اړیکو پراختیا په سیمه کې د سولې او ټيکاو په رامنځته کېدو کې اغېزناکه بللې ده.

ښاغلي امیري د پاکستان د څېړنو او امنیتي مطالعاتو له مرکز سره په مرکه کې همدارنګه د اسلامي امارت او ګاونډیو هېوادونو او سیمې ترمنځ د باور پر رامنځته کېدو او د اړیکو په پراختیا ټينګار کړی دی.

په اسلام‌لباد کې د ایران سفیر په دې هکله ویلي:«طالبان باید له خپلو تېرو تېروتنو زده‌کړه وکړي او د هېواد د کنټرولو هڅه وکړي، اړتیا ده چې، له ګاونډیو هېوادونو لکه پاکستان، روسیې او چین سره د باور فضا رامنځته کړي او د سیمې له هېوادونو سره د کلتوري تبادلې، سوداګرۍ او نورو فعالیتونو د پیاوړتیا لپاره همکاري وکړي چې، دا کار په سیمه کې د خلکو لپاره د سولې او امنیت لامل کیږي.»

په اسلام‌اباد کې د ایران سفیر د خپلو خبرو په یوه برخه کې د افغانستان او سیمې د هېوادونو په مسایلو کې د لاسوهنې لپاره د امریکا د هڅو خبره کوي او ټینګار یې دا دی چې، اسلام‌اباد باید امریکا ته دا فرصت برابر نه‌کړي.

رضا مقدم امیري په دې هکله څرګندوي:«امريکا د افغانستان شتمنۍ کنګل کړې ده او ښايي هڅه وکړي چې، په سیمه کې ځان ته د پښې ځای ولري، پاکستان پر دې مسئله خبر دی او پوهېږي چې، امریکا یې په هېواد کې د پښې ځای نه‌شي پیدا کولای؛ خو د سیمې له هېوادونو سره همکاري اړینه ده.»

د سیاسي چارو ځيني شنونکی هم د اسلامي امارت او د سیمې او نړۍ د هېوادونو ترمنځ د اړیکو پراختیا د اسلامي امارت په ګټه بولي.

د سیاسي چارو شنونکي محمد ایمل دوستیار وویل:«په لومړي ګام کې، د سیمې له هېوادونو سره زموږ اړیکې ډېرې مهمې او د افغانستان په ګټه دي. د افغانستان اسلامي امارت باید له ګاوڼډیو هېوادونو سره خپلو اړیکو ته دوام ورکړي، حتا د نړۍ له هېوادونو سره، ځکه د افغانستان په ګټه دي.»

 د اسلامي امارت او ایران تر منځ د حق‌ابې پر سر د ځينو اختلافونو او د اسلامي امارت او ایران ترمنځ له سرحدي نښتو سره سره، اسلامي امارت تل له ټولو هېوادونو په ځانګړې توګه له ګاونډيو هېوادونو سره پر ښو اړیکو ټينګار کړی دی.

د ا.ا اړیکې او سیمه‌ییز ثبات؛ اسلام‌اباد کې د ایران سفیر د خبرو چورلیز

په اسلام‌اباد کې د ایران سفیر د خپلو خبرو په یوه برخه کې د افغانستان او سیمې د هېوادونو په مسایلو کې د لاسوهنې لپاره د امریکا د هڅو خبره کوي.

تصویر بندانگشتی

په اسلام اباد کې د ایران سفیر رضا مقدم امیري، د اسلامي امارت او د سیمې د هېوادونو ترمنځ د سیاسي او اقتصادي اړیکو پراختیا په سیمه کې د سولې او ټيکاو په رامنځته کېدو کې اغېزناکه بللې ده.

ښاغلي امیري د پاکستان د څېړنو او امنیتي مطالعاتو له مرکز سره په مرکه کې همدارنګه د اسلامي امارت او ګاونډیو هېوادونو او سیمې ترمنځ د باور پر رامنځته کېدو او د اړیکو په پراختیا ټينګار کړی دی.

په اسلام‌لباد کې د ایران سفیر په دې هکله ویلي:«طالبان باید له خپلو تېرو تېروتنو زده‌کړه وکړي او د هېواد د کنټرولو هڅه وکړي، اړتیا ده چې، له ګاونډیو هېوادونو لکه پاکستان، روسیې او چین سره د باور فضا رامنځته کړي او د سیمې له هېوادونو سره د کلتوري تبادلې، سوداګرۍ او نورو فعالیتونو د پیاوړتیا لپاره همکاري وکړي چې، دا کار په سیمه کې د خلکو لپاره د سولې او امنیت لامل کیږي.»

په اسلام‌اباد کې د ایران سفیر د خپلو خبرو په یوه برخه کې د افغانستان او سیمې د هېوادونو په مسایلو کې د لاسوهنې لپاره د امریکا د هڅو خبره کوي او ټینګار یې دا دی چې، اسلام‌اباد باید امریکا ته دا فرصت برابر نه‌کړي.

رضا مقدم امیري په دې هکله څرګندوي:«امريکا د افغانستان شتمنۍ کنګل کړې ده او ښايي هڅه وکړي چې، په سیمه کې ځان ته د پښې ځای ولري، پاکستان پر دې مسئله خبر دی او پوهېږي چې، امریکا یې په هېواد کې د پښې ځای نه‌شي پیدا کولای؛ خو د سیمې له هېوادونو سره همکاري اړینه ده.»

د سیاسي چارو ځيني شنونکی هم د اسلامي امارت او د سیمې او نړۍ د هېوادونو ترمنځ د اړیکو پراختیا د اسلامي امارت په ګټه بولي.

د سیاسي چارو شنونکي محمد ایمل دوستیار وویل:«په لومړي ګام کې، د سیمې له هېوادونو سره زموږ اړیکې ډېرې مهمې او د افغانستان په ګټه دي. د افغانستان اسلامي امارت باید له ګاوڼډیو هېوادونو سره خپلو اړیکو ته دوام ورکړي، حتا د نړۍ له هېوادونو سره، ځکه د افغانستان په ګټه دي.»

 د اسلامي امارت او ایران تر منځ د حق‌ابې پر سر د ځينو اختلافونو او د اسلامي امارت او ایران ترمنځ له سرحدي نښتو سره سره، اسلامي امارت تل له ټولو هېوادونو په ځانګړې توګه له ګاونډيو هېوادونو سره پر ښو اړیکو ټينګار کړی دی.

شریک یي کړئ

په دې اړه مو اندونه