Skip to main content
وروستي خبرونه
تصویر بندانگشتی

له اسلامي نظام څخه د خلکو پر ملاتړ د رییس‌الوزرا ټينګار

رییس‌الوزرا ملا محمد حسن اخند وايي چې خلک باید له اسلامي نظام څخه پرېکنده ملاتړ وکړي.

نوموړي په خپل اختریز پیغام کې د اوسني نظام د پیاوړتیا او ساتنې لپاره د خلکو ملاتړ او همکاري خورا مهمه بللې ده.

رییس‌الوزرا همدارنګه د سرپرست حکومت له چارواکو غوښتي چې، له هېوادوالو هېڅ ډول مرستې ونه سپموي.

د اسلامي امارت ویاند ذبیح‌الله مجاهد د ملامحمد حسن اخند د اختریز پيغام په تړاو داسې وايي:«له نظامه د ملاتړ په برخه کې د خلکو همکاري ډېره وي. په امنیتي، اقتصادي او د هېواد په بیارغونه کې باید همغږي ډېره وي.»

د سیاسي چارو ځینې شنونکي له اوسني نظامه د خلکو ملاتړ مهم بولي او په باور يې، حکومت هم باید د خلکو مشروع غوښتنې ومني.

د سیاسي چارو شنونکی سید اکبر اغا وویل:«د ملت ملاتړ که څوک ځان ته راجلبوي، هغه په داسې صورت کې کېدلی شي چې، د روسانو د وخت جهاد، د امریکایانو د وخت جهاد هغه دواړه په پام کې ونیول شي او د داوړو لورو مجاهدین چې دي هغه په حکومت کې راوستل شي، حتا هغه خلک چې، هغوی په کورو ناست دي، هغوی د چا مقابله او مخالفت نه‌وي کړی، بد خلک نه‌وي او ښه اوصاف ولري هغه دې هم په حکومت کې راولي.»

د سیاسي چارو شنونکی عزیز ستانکزی هم وايي:«که‌چېرته نظامونه له خلکو سره ښه چلند کوي، خلک طبعاً د هغوی ملاتړي وي او دا د یوه نظام د پیاوړتیا لپاره ډېره ګټه کوي.»

بل خوا پخواني ولسمشر حامد کرزي او په تېر حکومت کې د ملي مصالحې عالي شورا رییس عبدالله عبدالله په بېلابېلو اختریزو پیغامونو کې له شپږم ټولګي پورته د نجونو پر مخ د ښوونځیو او پوهنتونونو د دروازو د خلاصون غوښتنه کړې او ویلي دي چې، د هېواد پرمختګ او ابادي په یووالي کې دی.

له اسلامي نظام څخه د خلکو پر ملاتړ د رییس‌الوزرا ټينګار

نوموړي په خپل اختریز پیغام کې د اوسني نظام د پیاوړتیا او ساتنې لپاره د خلکو ملاتړ او همکاري خورا مهمه بللې ده.

تصویر بندانگشتی

رییس‌الوزرا ملا محمد حسن اخند وايي چې خلک باید له اسلامي نظام څخه پرېکنده ملاتړ وکړي.

نوموړي په خپل اختریز پیغام کې د اوسني نظام د پیاوړتیا او ساتنې لپاره د خلکو ملاتړ او همکاري خورا مهمه بللې ده.

رییس‌الوزرا همدارنګه د سرپرست حکومت له چارواکو غوښتي چې، له هېوادوالو هېڅ ډول مرستې ونه سپموي.

د اسلامي امارت ویاند ذبیح‌الله مجاهد د ملامحمد حسن اخند د اختریز پيغام په تړاو داسې وايي:«له نظامه د ملاتړ په برخه کې د خلکو همکاري ډېره وي. په امنیتي، اقتصادي او د هېواد په بیارغونه کې باید همغږي ډېره وي.»

د سیاسي چارو ځینې شنونکي له اوسني نظامه د خلکو ملاتړ مهم بولي او په باور يې، حکومت هم باید د خلکو مشروع غوښتنې ومني.

د سیاسي چارو شنونکی سید اکبر اغا وویل:«د ملت ملاتړ که څوک ځان ته راجلبوي، هغه په داسې صورت کې کېدلی شي چې، د روسانو د وخت جهاد، د امریکایانو د وخت جهاد هغه دواړه په پام کې ونیول شي او د داوړو لورو مجاهدین چې دي هغه په حکومت کې راوستل شي، حتا هغه خلک چې، هغوی په کورو ناست دي، هغوی د چا مقابله او مخالفت نه‌وي کړی، بد خلک نه‌وي او ښه اوصاف ولري هغه دې هم په حکومت کې راولي.»

د سیاسي چارو شنونکی عزیز ستانکزی هم وايي:«که‌چېرته نظامونه له خلکو سره ښه چلند کوي، خلک طبعاً د هغوی ملاتړي وي او دا د یوه نظام د پیاوړتیا لپاره ډېره ګټه کوي.»

بل خوا پخواني ولسمشر حامد کرزي او په تېر حکومت کې د ملي مصالحې عالي شورا رییس عبدالله عبدالله په بېلابېلو اختریزو پیغامونو کې له شپږم ټولګي پورته د نجونو پر مخ د ښوونځیو او پوهنتونونو د دروازو د خلاصون غوښتنه کړې او ویلي دي چې، د هېواد پرمختګ او ابادي په یووالي کې دی.

شریک یي کړئ

په دې اړه مو اندونه