Skip to main content
وروستي خبرونه
تصویر بندانگشتی

کانکور ازموینه کې د نجونو د نه ګډون اندېښنې

پلازمېنه کې د کانکور ازموینې د دویم پړاو پیلیدو سره سم یو شمېر نجونې زده کوونکې دغه ازموینه کې پر خپل نه ګډون نیوکې کوي. 

دغه نجونې چې له تېرو دوو کلونو راهیسې له کانکور ازموینې بې برخې پاتې، وایي، ټول زیار یې په اوبو لاهو شوی او له اسلامي امارته د خپلو حقونو تامین غواړي. 

زده کوونکې، نازنین و ویل: « هغه احساس چې زه یې نن لرم ښایي زما په عمر ډېرې نجونې چې شپې یې ویښې تېرې کړې او دغه ازموینه کې یې د ګډون په هیله له ټولو سختیو سره زده کړه کړې وي، درک کړي.»

له کانکور ازموینې یو شمېر بې برخې نجونې د خپل ناروښانه برخلیک په تړاو اندېښنه څرګندوي او یو ځل بیا د کانکور ازموینه کې د نجونو پر ګډون او د ښوونځیو  او پوهنتونو د دروازو پر پرانیستلو ټینګار کوي.

زده کوونکې، هاجره وایي: « موږ له اسلامي امارته غواړو چې د نجونو د زده کړو دغه بندیز لمنځه یوسي.»

له دې سره هم مهاله د ښځو د حقونو یو شمېر فعالانې د نجونو پر ښوونځو او پوهنتونونو بندیز د هغوی په ژوند کې د ستونزو د زیاتېدو لامل ګڼي.

د ښځو د حقونو فعاله، حمیرا رسا صدیقي و ویل: « نن د دویم ځل لپاره د ښځو د ګډون پرته د کانکور ازموینه ترسره کیږي چې دغې مسلې پر ټولو ښځو رواني اغېزه کړې ده، ځکه دوی د افغانستان نیمه ټولنه ده.»

د ښځو د حقونو یوې بلې فعالې، تفسیر سیاه‌پوش هم و ویل: « که د ښوونځیو او پوهنتونونو دروازې خلاصې نشي، نشو ویلای چې یواځې ښځې به سم سبا ونه لري بلکې افغانستان به هم ښه سبا ونه لري.»

د ازموېنو ملي ادارې په پلازمېنه کې د ۱۴۰۳ هجري لمریز کال د دویم پړاو ازموېنې له اخیستو خبر ورکړی او ټاکل شوې دغه ازموېنه دوه ورځې دوام وکړي.

کانکور ازموینه کې د نجونو د نه ګډون اندېښنې

له دې سره هم مهاله د ښځو د حقونو یو شمېر فعالانې د نجونو پر ښوونځو او پوهنتونونو بندیز د هغوی په ژوند کې د ستونزو د زیاتېدو لامل ګڼي.

تصویر بندانگشتی

پلازمېنه کې د کانکور ازموینې د دویم پړاو پیلیدو سره سم یو شمېر نجونې زده کوونکې دغه ازموینه کې پر خپل نه ګډون نیوکې کوي. 

دغه نجونې چې له تېرو دوو کلونو راهیسې له کانکور ازموینې بې برخې پاتې، وایي، ټول زیار یې په اوبو لاهو شوی او له اسلامي امارته د خپلو حقونو تامین غواړي. 

زده کوونکې، نازنین و ویل: « هغه احساس چې زه یې نن لرم ښایي زما په عمر ډېرې نجونې چې شپې یې ویښې تېرې کړې او دغه ازموینه کې یې د ګډون په هیله له ټولو سختیو سره زده کړه کړې وي، درک کړي.»

له کانکور ازموینې یو شمېر بې برخې نجونې د خپل ناروښانه برخلیک په تړاو اندېښنه څرګندوي او یو ځل بیا د کانکور ازموینه کې د نجونو پر ګډون او د ښوونځیو  او پوهنتونو د دروازو پر پرانیستلو ټینګار کوي.

زده کوونکې، هاجره وایي: « موږ له اسلامي امارته غواړو چې د نجونو د زده کړو دغه بندیز لمنځه یوسي.»

له دې سره هم مهاله د ښځو د حقونو یو شمېر فعالانې د نجونو پر ښوونځو او پوهنتونونو بندیز د هغوی په ژوند کې د ستونزو د زیاتېدو لامل ګڼي.

د ښځو د حقونو فعاله، حمیرا رسا صدیقي و ویل: « نن د دویم ځل لپاره د ښځو د ګډون پرته د کانکور ازموینه ترسره کیږي چې دغې مسلې پر ټولو ښځو رواني اغېزه کړې ده، ځکه دوی د افغانستان نیمه ټولنه ده.»

د ښځو د حقونو یوې بلې فعالې، تفسیر سیاه‌پوش هم و ویل: « که د ښوونځیو او پوهنتونونو دروازې خلاصې نشي، نشو ویلای چې یواځې ښځې به سم سبا ونه لري بلکې افغانستان به هم ښه سبا ونه لري.»

د ازموېنو ملي ادارې په پلازمېنه کې د ۱۴۰۳ هجري لمریز کال د دویم پړاو ازموېنې له اخیستو خبر ورکړی او ټاکل شوې دغه ازموېنه دوه ورځې دوام وکړي.

شریک یي کړئ

په دې اړه مو اندونه