ولسمشرۍ ماڼۍ وايي چې د حقاني شبکې درې مهم غړي انس حقاني، مالي خان او حافظ رشید لاهم د افغان دولت په بند کې دي.
د ولسمشرۍ ویاند صدیق صدیقي په خپل ټوېټر پاڼه لیکلي چې «د طالبانو له خوا د شرایطو نه رعایت کولو له امله د تبادلې بهیر ځنډول شوی.»
ښاغلي صدیقي همدارنګه ویلي چې «افغان دولت د تبادلې بهیر تر غور او بیا کنتې لاندې نیولی او د هېواد د لویو ګټو په رڼا کې به اقدام وکړي.»
ولسمشرِغني، د سېشنبې په ورځ اعلان وکړ، چې د حقاني دغه درې مهم غړي په مشروطه توګه د افغانستان - امریکايي پوهنتون له استادانو سره د تبادلې له امله ازاد کړل شي.
په دې وروستیو کې طلوع نیوز ته سرچینې ویلي چې د حقاني شبکې دغه درې تنه بېرته د بګرام بندخونې ته لېږدول شوي دي. د دغې سرچینې په وینا، دغه درې تنه د تبادلې لپاره قطر ته وړل شوي وو.
خو له دې مخکې طالبانو ویلي وو چې د بندیانو تبادله د امریکا پر خپلو ژمنو د نه ژمنتیا له امله ترسره نه شوه.
په دې اړه مو اندونه