د بې پولې خبریالانو سازمان د طلوع نیوز خبریاله انسیه شهید یوه له ۳۰ اتلانو معرفي کړې ده.
د خبریالانو او رسنیو دغه نړیوال مدافع سازمان، له افغانستان څخه د طلوع نیوز خبریالې انیسې شهید او د پژواک خبري اژانس نومونه د کورونا ویروس د ګواښ تر سیوري لاندې په زړورتیا سره د رپوټ چمتو کولو له امله په نړۍ کې «د اطلاع رسونې د اتلانو» د ۳۰ تنو په منځ کې راغلي دي.
د بې پولې خبریالانو سازمان د کورونا ویروس له امله رامنځته شوی کړکېچ ته په اشارې سره وايي چې هر کړکېچ خپل اتلان پيدا کوي نو له همدې امله په ټوله نړۍ کې خبریالان، او رسنۍ شتون لري چې پر اطلاعاتي خنډونو بریا ترلاسه کړې او د کورونا ویروس په اړه خلکو ته اطلاع رسونه کوي.