د ملي دفاع وزارت نن(چهارشنې د وري۲۱مه) د خبرپاڼې په خپرولو سره ویلي دي چې افغان ځواکونو تېرو ۲۴ ساعتونو پوځي عملیاتو کې ۴۰وسلهوال وژلي دي.
خبرپاڼه زیاتوي چې دا عملیات د هېواد په بيلابيلو ولسوالیو کې ترسره شوي او په وژل شویو کې د طالبانو قو تن سیمهيیز قومندان، ملا نعیم هم شامل دی چې د زابل ولایت په شاه جوی ولسوالۍ وژل شوی دی.
د افغان ځواکونو دې پوځي عملیاتو کې د ۳۵ تنو نورو د ټپي کېدو او د ۹ له نیول کېدو هم خبر ورکړل شوی دی.
دغه ګډ عملیات چې د توپچي اوهوایي قوتونو په ملاتړپه ننګرهار، کاپیسا، غزني ، لوګر، خوست، ارزګان، زابل ، فراه ، بادغیس فاریاب، کندز او هلمند په ولایتونو کې تر سره شوي.
افغان ځواکونو ۱۶چاڼیز او ۶۴خاص کماندویي عملیات، ۱۱۱الوتنې او ۱۱ هوایي ضربې د دښمن په پټنځايونو تر سره کړې دي.
خبرپاڼې افغان ځواکونو ته د احتمالي اوښتې مرګ ژوبلې په اړه نه دي ویلي.
طالبانو په دې اړه څه نه دي ویلي.