د امریکامتحده ایالاتو لوی درستیز، مارک میلي او د دغه هېواد دفاع وزیر، مارک اسپر په کانګرس کې ویلي چې افغانستان کې به د امریکايي پوځیانو پر کموالي غور وکړي.
د امریکا لوی درستیز ویلي دي چې افغانستان کې د ترهګرۍ پر وړاندې مبارزې لپاره د سرتېرو کمول یو عملي انتخاب دی، خو دا یې نه دي ویلي چې د سرتېرو شمېر به څومره کموي.
دمګړۍ امریکا په افغانستان کې ۱۳ زره سرتېري لري.
بل لور د امریکا دفاع وزیر، مارک اسپر ویلي، طالبانو سره د سولې د خبرو سره سره، اړتیا ده چې د امریکا پوځ د ترهګرۍ ضد ماموریت باندې پام وساتي.
اسپر زیاته کړې باید دا تضمین شي چې افغانستان بیاځلي د ترهګرو لپاره په خوندي ځای نه بدلېږي.