وروستي خبرونه
Thumbnail

دفاع وزارت طالبان 'د نه اعلان شوي اوربند' پر نقض تورن وي

په داسې حال کې چې افغان حکومت او د طالبانو ځينې سرچینې د نه اعلان شوي اوربند د دوام په هکله ډاډ ورکوي، خو ملي دفاع وزارت طالبان د دغه اوربند پر نقض تورن وي.

د جګړې په دغه موسم کې هغه نه اعلان شوی اوربند چې په افغانستان کې د اختر له درېیو ورځو وروسته دوام لري د هېوادوالو لپاره په تېره بیا په هغو سیمو کې چې کلونه د جګړې اور په کې بل و هیله منونکی بلل شوی، خو کله کله هم دغه نه اعلان شوی اوربند د دواړو لوریو لخوا مات شوی دی.

ملي دفاع وزارت وایي د پنجشنبې په شپه طالبانو د پکتیا په ډنډ پټان ولسوالۍ کې د سرحدي ځواکونو پر یوې پوستې برید وکړ چې ۱۴ تنه پوځیان په کې مړه او درې نور ټپیان شول.
طالبان وايي د دوی دا برید د هغوی تر واک لاندې سیمو کې د دولتي ځواکونو د نویو پوستو د جوړولو لپاره شوی دی.

د ولسمشر ویاند صدیق صدیقي وویل:«افغان حکومت د طالبانو یو ډېر شمېر بندیان ازاد کړل چې اوربند دوام پيدا کړي او له افغان حکومت سره مخامخ خبرې اترې پیل شي.»

افغان حکومت په دې باور دی چې د دغه اوربند دوام به افغانستان تلپاتې سولې ته نږدې کړي.

د هلمند والي محمد یاسین په دې اړه وايي:«که چېرې له دغه اوربند سره هم مهاله، د افغانانو ترمنځ خبرې اترې هم پيل شي، افغانان سولې ته رسېږي.»

هېوادوال د دواړو لوریو ترمنځ د دایمي اوربند د ټینګښت غوښتتونکي دي.

د کابل اوسېدونکی احمد علي وویل:«بس دی تر کله به جګړه وي، تر کله به بې وزلي او ترکله به بې چاره ګي وي؟ څلوېښت کاله کېږي چې موږ په جګړه کې یوو.»

د اختر په څلورمه ورځ هم له فراه او پروان ولایتونو څخه د دواړو لوریو ترمنځ د نښتو او بریدونو رپوټونه ورکړل شوي و او ویل شوي چې په زابل ولایت کې د دولتي ځواکونو لخوا هوايي برید هم شوی دی، دغو بریدونو تلفات هم لرل.

دا دوهم ځل دی چې طالبان او افغان حکومت اوربند وکړ. 

دفاع وزارت طالبان 'د نه اعلان شوي اوربند' پر نقض تورن وي

طالبانو او افغان حکومت د اختر په درې ورځو کې اوربند کړی وو؛ هغه اوربند چې تراوسه په نه اعلان شوې او غیر رسمي توګه دوام پيدا کړی دی.

Thumbnail

په داسې حال کې چې افغان حکومت او د طالبانو ځينې سرچینې د نه اعلان شوي اوربند د دوام په هکله ډاډ ورکوي، خو ملي دفاع وزارت طالبان د دغه اوربند پر نقض تورن وي.

د جګړې په دغه موسم کې هغه نه اعلان شوی اوربند چې په افغانستان کې د اختر له درېیو ورځو وروسته دوام لري د هېوادوالو لپاره په تېره بیا په هغو سیمو کې چې کلونه د جګړې اور په کې بل و هیله منونکی بلل شوی، خو کله کله هم دغه نه اعلان شوی اوربند د دواړو لوریو لخوا مات شوی دی.

ملي دفاع وزارت وایي د پنجشنبې په شپه طالبانو د پکتیا په ډنډ پټان ولسوالۍ کې د سرحدي ځواکونو پر یوې پوستې برید وکړ چې ۱۴ تنه پوځیان په کې مړه او درې نور ټپیان شول.
طالبان وايي د دوی دا برید د هغوی تر واک لاندې سیمو کې د دولتي ځواکونو د نویو پوستو د جوړولو لپاره شوی دی.

د ولسمشر ویاند صدیق صدیقي وویل:«افغان حکومت د طالبانو یو ډېر شمېر بندیان ازاد کړل چې اوربند دوام پيدا کړي او له افغان حکومت سره مخامخ خبرې اترې پیل شي.»

افغان حکومت په دې باور دی چې د دغه اوربند دوام به افغانستان تلپاتې سولې ته نږدې کړي.

د هلمند والي محمد یاسین په دې اړه وايي:«که چېرې له دغه اوربند سره هم مهاله، د افغانانو ترمنځ خبرې اترې هم پيل شي، افغانان سولې ته رسېږي.»

هېوادوال د دواړو لوریو ترمنځ د دایمي اوربند د ټینګښت غوښتتونکي دي.

د کابل اوسېدونکی احمد علي وویل:«بس دی تر کله به جګړه وي، تر کله به بې وزلي او ترکله به بې چاره ګي وي؟ څلوېښت کاله کېږي چې موږ په جګړه کې یوو.»

د اختر په څلورمه ورځ هم له فراه او پروان ولایتونو څخه د دواړو لوریو ترمنځ د نښتو او بریدونو رپوټونه ورکړل شوي و او ویل شوي چې په زابل ولایت کې د دولتي ځواکونو لخوا هوايي برید هم شوی دی، دغو بریدونو تلفات هم لرل.

دا دوهم ځل دی چې طالبان او افغان حکومت اوربند وکړ. 

شریک یي کړئ