د ملي دفاع وزارت نن(شنې د وري ۲۵مه) د خبرپاڼې په خپرولو سره ویلي دي چې د افغان ځواکونو په پوځي عملیاتو کې چې غزني ولایت کې یې کړي دي ۴۸ طالب وسلهوال وژل شوي او ۳۸ نور ټپیان دي.
خبرپاڼه وړاندې وايي چې دا عملیات د غزني ولایت په خواجه عمري ولسوالۍ کې ترسره شوي دي.
دا عملیات چې په تېرو ۲۴ ساعتونو کې ترسره شوي دي، دافغان ځواکونو له وسلهوالو یو شمېر وسلې او مهمات هم ترلاسه کړي دي.
خبرپاڼې همداراز ویلي دي چې افغان ځواکونو د خواجه عمري ولسوالۍ یو شمېر سیمو چاڼ ترڅنګ د ولسوالۍ شاوخوا سیمو کې ۲۷ کړۍ ماینونه هم کشف او شنډ کړي دي.
خبرپاڼې افغان ځواکونو ته د احتمالي اوښتې مرګ ژوبلې په اړه څه نه دي ویلي.
طالبانو خپل نظر نه دی څرګند کړی.