د ۲۰۹ شاهین قول اردو شنبې( د وري۲۶مه) د خبرپاڼې په خپرولو سره ویلي دي چې د افغان ځواکونو بېلابيلو پوځي عملیاتو کې ۱۰ تنه وسلهوال وژل شوي او ۱۳تنه نور ټپيان دي.
خبرپاڼه زیاتوي چې دا عملیات په کندز او فاریاب ولایتونو کې ترسره شوي دي.
خبرپاڼه کې راغلي دي چې امنیتي ځواکونو د کندز په پنجشیرقشلاق او تلوکه کلیو او آلچین پله کې عملیات کړي او له امله یې ۷ مخالف وسلهوال وژل شوي او ۱۱ تنه نور ټپیان دي.
همداراز د ۲۰۹ شاهین قول اردو خبرپاڼې وړاندې لیکلي، د فاریاب ولایت په غورماچ ولسوالۍ کې د امنیتي ځواکونو په ځمکنیو او هوایي عملیاتو کې ۳ مخالفین وژل شوي او ۲ نور ټپيان شوي دي.