د ملي دفاع وزارت وايي چې په تېرو ۲۴ ساعتونو کې د افغان ځواکونو پوځي عملیاتو کې د هېواد بېلابيلو سیمو کې۲۳ وسلهوال وژل شوي دي.
د دې وزارت په خبره په وژل شویو کې د داعش دوه وسلهوال هم شامل دي.
د افغان ځواکونو پوځي عملیاتو کې د ۲۱ وسلهوالو له ټپي کېدو هم خبر ورکړل شوی دی.
د ملي دفاع وزارت وايي چې په ټپیانو کې د طالبانو یو سیمهييز قومندان هم شامل دی.
د دې وزارت په خبرپاڼه کې راغلي دي چې افغان ځواکونو په غزني، ارزګان، بادغیس، بغلان، تخار، بدخشان او هلمند ولایتونو کې ترسره شوي دي.
په دې عملیاتو کې د وسلهوالو یو شمېر وسلې او مهمات هم له منځه تلي دي.
د ملي دفاع وزارت وايي چې افغان ځواکونو تېرو ۲۴ ساعتونو کې اته چاڼيز، ۶۹ ځانګړي پوځي عملیات، ۱۰۰ هوايي بریدونو یې د وسلهوالو پر وړاندې ترسره کړي دي.
دې وزارت د عملیاتو په اړه جزئیات نه دي ورکړي.
طالبانو په دې اړه څه نه دي ویلي.