د برېښنا شرکت وايي چې د دغه بنسټ یو مسلکي کارکوونکی تېره ورځ (جمعه د تلې په ۲۶مه) د پروان ولایت په سالنګ ولسوالۍ کې د برق نیولو له امله ساه ورکړه.
دغه شرکت په یوې خبرپاڼه کې چې نن یې خپره کړې ویلي چې د دوی یو کارکوونکی «انجنیر عبدالرووف» د برېښنا نیولو له امله ساه ورکړې ده.
د برېښنا شرکت په وینا، عبدالرووف د فاریاب ولایت په اندخوی کې د لوړ ولتاژ د فني برخې کارکوونکی و او تېره ورځ کله چې په سوېلي سالنګ کې د ویجاړې شوې پایې بیارغونې لپاره تللی و د برېښنا نیولو له امله ساه ورکړه.
دا په داسې حال کې ده د پروان ولایت په سالنګ ولسوالۍ کې پر ویجاړې کړل شوې پایې د بیارغونې کار روان دی.
د برېښنا شرکت ویلي چې دا پایه د «وسلهوالو غلو» له خوا څو موده مخکې ویجاړه شوې وه.