په بهرنیو چارو وزارت کې سرچینې وايي چې دغه سفیران د عمر د ډېروالي او د کاري پېر د پای له امله کابل ته راغوښتل شوي دي.
د دغو سفیرانو په ډله کې د مخکني ولسمشر د تره عزیز الله کرزي نوم هم لیدل کېږي.
د بهرنیو چارو وزارت د افغانستان د ۱۱ هغو سفیرانو د کار د پای لیک لاسلیک کړی دی چې تر اوسهیې په یو شمېر نړیوالو هېوادونو او بنسټونو کې کار کاوه او ډېر ژر به دغه سفیران کابل ته راوغوښتل شي.
بهرنیو چارو وزارت ته نږدې سرچینې وايي:
په روسیې کې د افغانستان سفیر عزیز الله کرزی
په یونسکو کې د افغانستان سفیر محمد قاسم فاضلي
د چک په جمهورۍ کې د افغانستان سفیر ضیاء الدین مجددي
په اندونیزیا کې د افغانستان سفیر غلام سخي غیرت
په عربي متحده اماراتو کې د افغانستان سفیر نجیبالله مجددي
په سعودي عربستان کې د افغانستان سفیر سید احمد عمرخیل
په برېتانیا کې د افغانستان سفیر محمد داوود یار
په کاناډا کې د افغانستان سفیر شام لال پتهي چا
په فرانسې کې د افغانستان سفیر اسدالله عمر
په ایټالیا کې د افغانستان سفیر ضیاء الدین نظام
او په ژینو کې د افغانستان سفیر ننګیالي طرزي
هغه کسان دي چې په لومړي ګام کې له دندې ګوښه شوي دي.
د بهرنیو چارو وزارت د اصلولو پر بنسټ یو ډیپلومات باید ۳ کاله په افغانستان کې او درې کاله د هېواد څخه بهر کار وکړي، خو د افغانستان په ډیپلوماتانو کې داسې کسان لیدل کېږي چې د کاري پېر د پای سره سرهیې د هېواد څخه بهر د افغانستان په سیاسي نمایندهګیو کې په کلونو فعالیت کړی دی.
په دې اړه مو اندونه