طالب وسلهوالو په بادغیس ولایت کې ۸ تنه د ملي اردو سرتېري له یوې امنیتي پوستې څخه له ځانه سره بېولي دي.
د بادغیس والي، محمدانور اسحاقزی تائیدوي چې پېښه تېره شپه(جمعه د چنګاښ پر۲۳مه) شوې او د طالبانو یوه قومندان د یو شمېر سرتېرو له همغږۍ سره پوستې ته راغلي او یاد شمېر سرتېري یې له ځانه سره بیولي دي.
دی وايي چې پېښه د بادغیس ولایت په آبکمري ولسوالۍ کې شوې ده او طالبانو د بېول شویو سرتېرو وسلې هم له ځانه سره وړي دي.
د ولایت چارواکي وايي چې د بېول شویو سرتېرو برخلیک تر اوسه څرګند نه دی.