د لوګر والي د رسنیو دفتر نن( دوشنبې د غبرګولي لومړۍ) د خبرپاڼې په خپرولو سره ویلي دي چې د علماو شورا مرستیال، مولوي عبدالغفور نن سهار وختي د ناپېژاندو وسلهوالو لخوا په نښه شوی او ژوند یې له لاسه ورکړی دی.
ویل کېږي چې نوموړی هغهمهال د لوګر په کلانګار ولسوالۍ کې وژل شوی چې سهار وختي د کوره د جومات پر لور روان وه.
پولیسو د پېښې په اړه پلټنې پیل کړې، خو ویل کېږي چې په تړاو یې څوک نه دي نیول شوي.
د طالبانو په ګډون کومې ډلې د دې وژنې مسوؤلیت نه دی منلی.