د هرات ولایت د پوهنې رئیس، عبدالرزاق احمدي وايي چې په دې ولایت کې د نا امنیو او ترهګریزو ګواښونو له امله ۴۱ ښوونځي تړلي پاتې دي چې له امله یې ۲۰۰۰ زدهکوونکي له زدهکړې بېبرخې دي.
ښاغلی احمدي دا ولسوالۍ شینډنډ، ګذره،ګلران، اوبه او زندهجان یادوي چې له ډلې یې یوازې په شینډنډ ولسوالي کې ۳۰ ښوونځي تړلي دي.
په همدې حال کې، د هرات د والي ویاند، فرهاد جیلاني څرګندوي چې د دې ښوونځیو پرانیستنه د لوړو امنیتي ګواښونو له امله شوني نه دي.
ښاغلی جیلاني وړاندې وايي:«د شینډنډ، ګران، کشک کهنه کې د امنیتي دلایلو له امله ښوونځي تړلي دي.»
دا اندېښنې په داسې حال کې دي چې ویل کېږي یوازې د هېواد په لویدیځه حوزه کې ۱۵۰ د نجونو او هلکانو ښوونځي د نا امنیو له امله تړلي دي.