هرات کې د افغان ځواکونو او طالب وسله والو ترمنځ نښته کې یوه ملکي کس ژوند بایللی او لس تنه نور ټپیان دي.
یوه سرچینه نن(چهارشنبه د چنګاښ په ۱۱مه نېټه) وايي چې ټپیانو کې ۸ افغان سرتېري او ۲ ملکي کسان شامل دي.
دغه سرچینه چې نه غواړي نوم یې واخیستل شي څرګندوي چې نښته سهار وختي ۴:۳۰ بجې طاقچې سیمه کې پیل شوې.
د سرچینې په وینا افغان ځواکونو کله چې غوښتل طاقچې سیمه کې دولتي ځواکونه اکمال کړي، د طالبانو له برید سره مخامخ شوي دي.
طالبانو په دې تړاو څه نه دي ویلي.
پښتون زرغون د هرات ختیځ کې نا امنه ولسوالۍ ګڼل کیږي.