Skip to main content
وروستي خبرونه
Thumbnail

د هلمند د سولې د عالي شورا ریس ووژل شو

ځایي چارواکي وایي، چې د هلمند د سولې د عالي شورا ریس، معلم شاه ولي خان له خپلو دوو ساتونکو سره نن د دې ولایت په ګرشک ولسوالۍ کې د طالبانو په یوه وسله وال برید کې وژل شوی دی.

د هلمند د والي ویاند، محمد عمر ځواک وویل، د سولې عالي شورا ریس نن سهار شاوخوا لس بجې د ګرشک ولسوالۍ په لور روان و، چې د دې ولسوالۍ په یخچال سیمه کې د طالبانو له کمین سره مخ شو.

ښاغلۍ ځواک وایي:« طالبانو د لارې په اوږدو کې د دوی پر موټر برید وکړ، چې له امله یې شاه ولي خان له خپلو دوو ساتونکو سره ووژل شو او څلور نور ساتونکي یې ټپیان دي.»

نوموړي زیاته کړه، د هلمند د والي مرستیال هم له دوی سره ملګرتیا کوله، خو نوموړی له دغه بریده روغ وتلی دی.

د ځواک په وینا، شاه ولي خان د ناوې ولسوالۍ قومي مشري هم په غاړه درلوده.

تر اوسه کومې ډلې د دې پېښې مسوولیت په غاړه نه دی اخیستۍ.

ګرشک د هلمند له ناامنو ولسوالیو څخه شمېرل کیږي، چې وسله وال مخالفین ډیری وخت په کې پر امنیتي ځواکونو او ځایي چارواکو بریدونه ترسره کوي.

د هلمند د سولې د عالي شورا ریس ووژل شو

ځایي چارواکي وایي، چې د هلمند د سولې د عالي شورا ریس، معلم شاه ولي خان له خپلو دوو ساتونکو سره نن

Thumbnail

ځایي چارواکي وایي، چې د هلمند د سولې د عالي شورا ریس، معلم شاه ولي خان له خپلو دوو ساتونکو سره نن د دې ولایت په ګرشک ولسوالۍ کې د طالبانو په یوه وسله وال برید کې وژل شوی دی.

د هلمند د والي ویاند، محمد عمر ځواک وویل، د سولې عالي شورا ریس نن سهار شاوخوا لس بجې د ګرشک ولسوالۍ په لور روان و، چې د دې ولسوالۍ په یخچال سیمه کې د طالبانو له کمین سره مخ شو.

ښاغلۍ ځواک وایي:« طالبانو د لارې په اوږدو کې د دوی پر موټر برید وکړ، چې له امله یې شاه ولي خان له خپلو دوو ساتونکو سره ووژل شو او څلور نور ساتونکي یې ټپیان دي.»

نوموړي زیاته کړه، د هلمند د والي مرستیال هم له دوی سره ملګرتیا کوله، خو نوموړی له دغه بریده روغ وتلی دی.

د ځواک په وینا، شاه ولي خان د ناوې ولسوالۍ قومي مشري هم په غاړه درلوده.

تر اوسه کومې ډلې د دې پېښې مسوولیت په غاړه نه دی اخیستۍ.

ګرشک د هلمند له ناامنو ولسوالیو څخه شمېرل کیږي، چې وسله وال مخالفین ډیری وخت په کې پر امنیتي ځواکونو او ځایي چارواکو بریدونه ترسره کوي.

شریک یي کړئ

په دې اړه مو اندونه