د کورنیو چارو وزارت نن یکشنبې (د زمري په ۱۳مه) په یوې خبرپاڼه کې ویلي چې د پنجشېر ولایت لپاره د طالبانو د نومول شوي والي مرستیال په ذوالفقار مشهور عبدالاحد له پنځو تنو ملګرو سره یې کاپیسا کې وژل شول.
خبرپاڼه کې راغلي چې دغه عملیات د نجراب ولسوالۍ د اهنګرانو په کلي کې شوي وو.
د دغې خبرپاڼې پر احواله، ذوالفقار، په پنجشېر ولایت کې د طالبانو د پوځي کمېټې مسوول هم و.
د کورنیو چارو وزارت ویلي چې ذوالفقار، د هغو ترهګرو له ډلې وو چې په ویجاړونکو او ترهګریزو فعالیتونو او د کاپیسا او ګاونډیو ولایتونو په ناامنیو کې بنسټيزه ونډه لرله.
طالبانو تراوسه په دې اړه څه نه دي ویلي.