د کابل څلورمې حوزې د نوي ښار په پارک کې یوه ځانمرګي برید ګر نن(دوشنې د غويی۱۷مه) کله چې غوښتل د وینې ورکړې پر یوه بهیر برید ورکړې، موخې ته له رسېدو مخکې ځانته چاودنه ورکړې.
د کورنیو چارو وزیر، ویس احمد برمک وویل، بریدګر موکې ته تر رسېدو مخکې د پولیسو لخوا پېژندل شوي او ځانته یې چاودنه ورکړې ده.
ښاغلي برمک کله چې کابو ۱۲:۰۰ بجې پارلمان کې د خلکو استازو ته خبرې کولې څرګنده کړه چې چاودنه کابو نیم ساعت مخکې ترسره شوې ده.
په دې پارک کې یو شمېر کسانو غوښتل چې افغان ځواکونو ته وینه راټوله کړي او یو خلک راټول شوي وو.
د برید مسوؤلیت تر اوسه چا پر غاړه نه دی اخیستی.