نن ګیهځ (شنبې د تلې پر ۲۹ مه) درې توغندي د کابل ښار پر ځینو برخو د بهرنیو بنسټونو د په نښه کولو لپاره توغول شوي دي.
دغه پېښه نن ګهیځ ۶ بجې رامنځته شوې چې د اوښتې مرګ ژوبلې په اړه یې تراوسه کوم رپوټ نشته.
د یو رپوټ پر بنسټ، لومړی توغندی د یوه سفارت پر دېوال لګېدلی، او دویم هغه پر شنې سیمه کې لګېدلی دی.
دولتي چارواکو تراوسه په دې اړه څه نه دي ویلي. او هېڅ ډلې هم د دغه برید مسوولیت نه دی منلی.
دا په داسې حال کې ده چې د جمعې په ورځ د کابل ښار په دشت برچي سیمه کې د امام زمان پر جومات د ځانمرګي برید په پایله کې ۳۹ تنه وژل شوي او ۴۵ تنه نور ټپيان شوي دي.