د ایران ولسمشر، حسن روحاني یو ځل بیا د بهرنیو ځواکونو شتون په افغانستان کې ستونزو لامل وباله.
حسن روحاني په تهران کې د پاکستان د پوځ له مشر، قمرجاوید باجوه سره د لیدنې پرمهال د دوو اړخیزو اړیکو ترڅنګ د سمې سولې او ټیکاو پر موضوع هم خبرې کړې دي.
ایراني رسنیو راپور وکړې چې د دغه هېواد ولسمشر د افغانستان په تړاو ویلي دا چې تهران د افغانستان په برخلیک کې د ټولو قومونو او ډلو ګډون غواړي.
د راپورنو له مخې، روحاني زیاته کړه چې د افغانستان خلک کولی شي چې په خپل هېواد کې د بهرنیو قدرتونو له مداخلې پرته پرېکړه وکړي.
روحاني زیاته کړې چې پرته له شکه په افغانستان کې د امریکايي ځواکونو شتون او پوځي اډې افغانستان کې ستونزې زیاتې کړې دي.