رویټرز د افغان چارواکو له قوله لیکلي دي چې د افغان سولې بهیر لپاره د امریکا متحده ایالاتو ځانګړی استازی، زلمی خلیلزاد د سولې خبرو بیا پيل لپاره کابل ته راغلی
دی.
د رویترز د راپور له مخې، ښاغلی خلیلزاد به له افغان ولشمشر غنی او نورو حکومتي لوړ پوړو چارواکو سره د طالبانو سره د خبرو د بیا پيل په هکله خبرې وکړي.
د واشګټن او طالبانو ترمنځ د سولې خبرې د امریکا ولسمشر، دونالد ترمپ لخوا سپټامبر میاشت کې درول شوې وې.
ښاغلی خلیلزاد په داسې حال کې کابل ته سفر کوي چې تېره اوونۍ ترمپ په یو نااعلام شوي سفر افغانستان ته راغی او له ولسمشر غني سره یې ولیدل.
ښاغلي ټرمپ په پګرام کې وویل چې امریکا به تر هغې افغانستان کې پاتې شي څو د سولې خبرې یوې هوکړې ته وزسیږي.
ترمپ زیاته کړه«طالبان غواړي چې معامله وکړي. ګورو چې هغوي به دا کار وکړي؟ دا باید یو واقعي. توافق وي.مونږ به ګورو. په تېره وخت کې یې اوربند ونکړ او اوس غواړي چې اوریند وکړي. زه باور لرم چې دا کار ممکن دی. مونږ به وګورو چې څه پېښېګې. خو مونږ فوق العاده پر مختک په دغه برخه کې لرلی دی.»