طلوع نیوز ته یوه سرچینه وايي، کندز کې ۱۳ افغان سرتېرو ژوند له لاسه ورکړی او پنځه نور ټپيان دي.
سرچینه نن(چهارشنبې د لړم په ۲۹مه نېټه) زیاتوي، یاد شمېر افغان سرتېرو ته تېره شپه د دغو ځواکونو پر اډې د طالبانو د برید په پایله کې مرګ ژوبله اوښتې ده.
که څه هم سرچینه وايي چې وژل شوي سرتېري د ملي اردو غړي دي، خو د هېواد ملي دفاع وزارت دا خبر نه تاییدوي.
په همدې حال کې سیمه ییز چارواکي هم د برید په تړاو څه نه وايي.
خو طالبانو د برید مسوولیت منلی دی.