ولسمشر غني افغانستان سره د امریکا متحده ایالاتو د یو میلیارد مرستو بندولو پهغبرگون کې وایي چې د امریکا د مرستو بندول به د فغانستان پر بنسټیزو برخو کومه اغېزه ونه کړي.
ښاغلي غني چې نن وروسته له غرمې(سې شنبې د وري په ۵مه نېټه) د یوه ویدیویي پيغام په ترڅ کې خبرې کولې وویل:«اوس تاسې ته ډاډ درکولی شو چې د امریکا متحده ایالاتو د مرستو کمښت به د افغانستان پر سکتوري او کلیدي برخو مستقیم اغېزه نلري او هڅه به وکړو چې دا خلا د بدیلو سرچینو په مرسته هواره کړو. زموږ لپاره د ملت د ځان ساتنه، د بیو ساتنه، د خدماتو عرضه او د دولت او جمهوریت دستګاه فعاله ساتل. په دې برخو کې به د خلکو پر ژوند کوم اغېزه ونه لري.»
غني زیاته کړې چې امریکا خپلې مرستې نه دي بندې کړې، بلکې مشرږطې کړې یې دي:«لکه څنګه چې د امریکا متحده ایالاتو اعلامیه کې راغلي، دغه هېواد خپلې مرستې نه دي بندې کړې، باکې مشروطې کړې یې دي. هڅه کوو چې د خبرو له لارې قناعت ورکړو.»
له دې سره ولسمشر غني د امریکا د بهرنیو چارو ره وزیر سره خبرې رغنده بللې دي:«د امریکا د بهرنیو چارو وزیر سره زموږ بحثونه د سولې او افغان امنیتي ځواکونو پياوړي کولو په تړاو مثبته فضا کې ترسره شوې.»
غني وویل چې تېره ورځ یې له ښاغلي عبدالله سره لیدلي:«د نوي حکومت جوړول مې د پراخو مشورو په خاطر ځنډولي وو. غوښتل مې د خپلې ژمنې په اساس ډاکټر عبدالله ته د سولې بهیر کې اساسي برخه او د ټیم ملګرو ته یې په کابینه کې رول ورکړم، خو هغه د اساسي قانون پر تغیر ټینګار کوي.»
هغه زیاتوي دا غوښتنه د اساسي قانون خلاف ده.
غني څرګنده کړه چې:«ډاډه اوسئ افغانستان کې سمتي او ډله ییز حکومتونه ناکام وو او دغو ناکامو تحروبو پسې نځو.»
د امریکا د بهرنیو چارو وزیر، مایک پومپيو تېره ورځ د غني او عبدالله ترمنځ د جوړجاړي په موخه کابل ته راغی او ورورسته یې اعلان وکړ چې له دواړو خواوو سره یې خبرې بې پایلې وې.
له دغه سفره وروسته د امریکا د بهرنیو چارو وزارت د اعلامیې په خپرولو سره وویل چې امریکا به، افغانستان سره یو میلیارد دالره مرسته وځنډوي.
امریکا هر کال له افغانستان سره نېږدې پنځه میلیارده ډالره مرسته کوي. د امریکا بهرنیو چارو وزارت ویلي، چې یو میلیارد دالره نور به بل کال قطع کړي.