د ننګرهار ولایت سیمهییز مسوولین وايي تېر شپه خوږياڼو ولسوالۍ کې څلورو سرتېرو ژوند بایللی دی او دوه تنه ټپیان شوي دي.
د والي ویاند، عطاالله خوګیانی نن(پنجشنبې د زمري په ۳۰مه نېټه) وايي چې نښته لس طالب وسله وال هم وژل شوي دي او یو شمېر نور ټپيان دي.
خوګیانی زیاتوي یادو سرتېرو ته په داسې حال کې مرګ ژوبله اوښتې ده چې طالبانو د نوکړ خېلو په ډنډو سيمه کې د امنيتي ځواکونو پر پوستې بريد کړی.
طالبانو په دې تړاو څه نه دي ویلي.