ولسمشر غني، نن له غرمې مخکې (یکشنبې د چنګاښ په ۲۳مه) د افغانستان د لومړنۍ اداري ټولګې (مجتمع) د تهداب ډبره د کابل په دارالامان سیمه کې کېښوده.
د دغې ټولګې د تهداب ډبرې اېښودو په مراسمو کې، ځينې لوړپوړي حکومتي چارواکي، د کابینې غړي او ملي شورا کې د خلکو استازو حضور درولود.
ټاکل شوې ده چې د وزارتونو او خپلواکو بنسټونو په ګډون څه باندې شل بنسټونه دغې ټولګې (مجتمع) ته ولېږدول شي.
هغه څه چې افغان حکومت وايي ټاکل شوې په لومړي پړاو کې ۱۳ بنسټه او په دویم پړاو کې ۱۴ نور بنسټونه دغې ټولګې ته ولېږدول شي.
ولسمشر غني د دغې ټولګې د تهداب ډبرې اېښودو په مراسمو کې ټينګار وکړ چې حکومت هوډ لري څو اصلاحات رامنځته او خلک راحتۍ ته ورسېږي.