ملاهبتالله آخُندزاده د کندرهار ولایت د پنجوايي ولسوالۍ د سفیدران کلي اوسېدونکی دی، ترهغه چې تنګی ځوان وه، په همدې کلي کې اوسېده.
د طلوعنیوز خبریال، عبدالله همیم دغه کلي ته تلی او د طالبانو د دغه مشر د ماشومتوب له ملګرو سره خبرې کړې دي.
ملا هبت الله چې پلار یې د جومات امام وه، د یاد کلي ښکته رده کورنۍ وه او هغه مهال یې سیاست سره لیوالتیا نهدرلوده؛ خو کله چې پاکستان ته ولاړ سیاست او د طالبانو ډلې سره یوځای کېدو ته لیواله شو.
ده خپل ماشومتوب په سفیدران سیمه کې تېر کړی دی.
د پنجوايي ولسوالۍ یو قومي مشر، حاجي دینمحمد وايي:"موږ د طالبانو نوي مشر، ملا هبت الله کورنۍ پېژنو، کابو پنځوس کاله مخکې یې په همدې کلي کې وزیږید. د دوی کورنۍ یوه حلیمه کورنۍ وه او ملا هبت الله خپل ماشومتوب هم په همدې کلي کې تېر کړی دی."
دغه کلي کې پروت جومات پایملوک نومیږي، په دغه ځای کې قومي مشران وايي چې د ملاهبت الله پلار، ملامحمد آخند هم په همدې جومات کې امام وه، دوی چې د ښکتې ردې خلک وو، په سیاست کې یې هېڅ ونډه نه درلوده.
ملاهبت الله کله او څنګه سیاست ته مخه کړه؟
د پنجوايي اوسېدونکي وايي، که څه هم دوی د طالبانو له نوي مشر سره آشنا نه دي خو زیاتوي چې ملامحمدآخند د طالبانو د مشر له پلار سره ښه پېژندګلوي لري. دوی وايي چې د ملا هبت الله پلار حلیم سړی وه. دوی وایي چې کورنۍ یې آن په کلي کې سیمهییزو جرګو کې ګډون نه کاوه او وروسته له هجرت څخه پاکستان ته ولاړل او سیاست کې ښکېل شول.
د پنجوايي ولسوالۍ بل اوسېدونکی، سخي محمد وايي:" د ملا هبت الله پلار ملامحمد نومېده او کابو ۵۰کاله مخکې په څو جوماتونو کې ملاامام وه او په سیاست کې ښکېل نه وه، دی یو عادي کس وه چې آن په قومي جرګو کې د ګډون په موخه نه غوښتل کېدو."
د ملا اختر منصور مرستیال، شیخ هبتالله اخندزاده تېره اوونۍ یعنې د ملا منصور د مرګ تر خپریدو دوه ورځې وروسته د طالبانو د مشر په توګه وټاکل شو.
د حقاني ډلې مشر، سراجالدین حقاني او د طالبانو پخواني مشر، ملاعمر زوی، ملایعقوب د ملاهبتالله مرستیالانو په توګه ټاکل شوي دي.
په دې اړه مو اندونه