نن سېشنبې له غرمې وروسته د کابل ښار د افشارو پر سیمه درې توغندويي بریدونه شوي دي.
سرچینې او د پېښې شاهدان وايي لومړنۍ چاودنه چې د توغندي د لګېدو له امله وه نن له غرمې وروسته د یوې بجې په شاوخوا کې رامنځته شوه او دویم توغندی له هغه لس دقیقې وروسته ولګېد.
د کابل پولیسو د دغې پېښې پخلی کړی او وايي چې درې توغندي د نامالومو کسانو له خوا توغول شوي چې په پایله کې یې درې تنه ټپيان شوي دي.
د توغندویو د لګېدو ځای ته په لنډ واټن کې د پولیسو اکاډمي موقعیت لري.