نن له غرمې وروسته د ننګرهار ولایت په جلال اباد ښار کې یو ځانمرګی برید شوی.
د پېښې شاهدان وايي چې دغه برید، د جلال ابال ښار د لومړۍ حوزې په اړوندن «کمپونو» سیمه کې پر ځینو لاریون کوونکو شوې ده.
د ننګرهار ولایت ځايي چارواکو، د ۶ تنو د وژلو او ۸ ټپيانو پخلی کړی دی.
په ورته وخت کې، د ننګرهار ولایت د عامې روغتیا ریاست، د دغې پېښې د وژل شویو شمېر ۸ تنه او د ټپيانو شمېر ۱۵ تنه بولي.
دا په داسې حال کې ده چې د دغه ولایت ځينو اوسېدونکو، د هغه څه له امله چې ګواکې د خوږیاڼۍ ولسوالۍ د ناامنه کولو لپاره هڅې کېږي لاریون کړی وه.
تراوسه هېڅ ډلې د دغې پېښې پړه نه ده منلې.
دا لومړی ځل دی چې په ننګرهار کې د لاریون کوونکو یو ډله د ځانمرګي برید موخه ګرځي.
له دې وړاندې، په کابل کې ځینې اعتراضي غونډې د ځانمرګي بریدګرو له خوا په نښه شوې وې چې داعش ډلې د دغو پېښو پړه منلې ده.