د کابل یوولسمې حوزې سیمې اړوند جمهوریت ګولايي کې نن سهار(چهارشنبې د چنګاښ په ۱۸مه نېټه) چاودنه وشوه.
د پېښې شاهدان وايي چې چاودنه د پولیسو پر یوه موتر شوې ده او داسې ښکاري چې د چسپکي ماین له کبله رامنځته شوې ده.
شاهدان همداراز زیاتوي چې د پېښې په ځای کې یې یو ټپي کس لیدلی دی.
امنیتي چارواکو تر اوسه په دې اړه څه نه دي ویلي.
دا په داسې حال کې ده چې په دې وروستیو کې کابل ښار کې د چسپکي ماین له کبله چاودنې زیاتې شوې دي.
د پېښې مسوولیت تر اوسه چا نه دی منلی.