کابل کې یکشنبې ( د چنګاښ۲۴مه) د کلیو پراختیا وزارت مخې ته ځانمرګي برید په پایله کې ۷ کسانو ژوند له لاسه ورکړ او ۱۳ تنه نور ټپیان شول.
د کابل پولیسو ویاند، حشمت ستانکزی څرګندوي چې د بریدګر موخه ښايي د بهرنیو وګړو موټر وه، خو هغوی ته زیان نه دی رسېدلی.
د پېښې شاهدان وايي چې د برید تر ډېره قربانیان د کلیو پراختیا وزارت کارکوونکي دي.
دا په داسې حال کې ده چې تېره میاشت هم د دې وزارت پر کارکوونکو برید شوی وه.
په هغه برید کې څلورو ښځو په ګډون ۱۳ کسانو ژوند له لاسه ورکړ او کابو ۳۰ تنه نور ټپیان شول.