د کندز ولایت امنیتي مسوولین وايي چې تېره شپه له طالبانو سره نښته کې ۳ افغان سرتېرو ژوند له لاسه ورکړی.
دغه مسوولین نن(جمعه د غويي په ۲۶ مه نېټه) وايي چې نښه کې ۵ طالب وسله وال هم وژل شوي دي.
د کندز د امنیه قومندانۍ ویاند، هجرت الله اکبري د پېښې په تایید سره وايي چې نښته د یاد ولایت خان اباد ولسوالۍ اړونده سیمه کې شوې ده.
ښاغلی اکبري وايي چې نښې یو ساعت دوام وکړ او طالبان له سیمې وتښتېدل.
طالبانو تر اوسه په دې تړاو څه نه دي ویلي.