کندهار کې نن سهار(شنبې د کب۲۰مه) د بهرنیو ځواکونو پر کاروان د برید خبر ورکړل شو.
پېښه د یاد ولایت په دامان ولسوالۍ کې د سړک غاړې ماین چاودنې له کبله رامنځته شوې ده.
د دې بمي چاودنې په ترڅ کې د دوو تنو ملکي کسانو له ټپي کېدو خبر ورکړل شوی دی
دې ځواکونو د کندهار هوايي ډګر د امنیت ساتنې مسوؤلیت درلود.
د چاودنې په اړه نور جزئیات په لاس کې نشته او همداراز دا چې بهرنیو ځواکونو ته زیان رسېدلی او که نه.
د پېښې مسوؤلیت چا پر غاړه نه دی اخیستی.