ملي دفاع وزارت نن دوشنبې (د وږي په ۴مه) په یوې خبرپاڼه کې وویل چې د ملي پوځ ځانګړو ځواکونو کندوز کې د طالبانو له یوه بندخونې ۱۵ تنه بندیان ازاد کړل.
په دغې خپرپاڼه کې راغلي دي چې ځانګړو ځواکونو د کندوز ولایت په امام صاحب ولسوالۍ کې یو لړ عملیات ترسره کړل چې په پایله کې یې ۱۵ تنه د طالبانو له بنده ازاد او د هغوی د وسلو یو زېرمتون یې له منځه یوړ.
په خبرپاڼه کې د افغان امنیتي ځواکونو او طالبانو د مرګ ژوبلې په اړه څه نه دي ویل شوي.
بلخوا طالبانو هم تراوسه په دې اړه څه نه دی ویلي.