Skip to main content
وروستي خبرونه
Thumbnail

په لغمان کې د نجونو او هلکانو د دوو ښوونځیو ودانۍ ګټې اخيستنې ته وسپارل شوې

د لغمان په الينګار کې د قلعټک د نجونو او د دې ولايت په اليشنګ ولسوالۍ کې قلعه‌نجيل د هلکانو د لېسو ودانۍ ګټې اخيستنې ته وسپارل شوې.

دا ودانۍ د افغانستان لپاره د سويډن کمېټې له لوري د ۱۳ مېليونه افغانيو په لګښت ورغول شوې چې ۳۸  تدريسي او اداري خونې لري او د شاوخوا ۱۲۰۰ نجونو په ګډون په‌کې نږدې درې زره زده کوونکي زده‌کړې کولای شي.

د سويډن کمېټې استازی عزت الله منصور وايي: «د افغانستان لپاره د سویډن کمېټې د شرقي زون د انجنیرۍ څانګې له لوري ټول ساختماني کارونه د اتوو میاشتو په موده کې تکمیل شول.»

له دې سره سم، نجونې زده‌کوونکې په نوې ودانۍ کې د زده‌کړو پيل ته خوښي ښيي، خو له شپږم ټولګي پورته د نجونو ښوونځیو د برخلیک روښانه کولو غوښتنه کوي.

زده‌کوونکې بي‌بي امنه وايي: «زما خور په یوولسم ټولګي کې وه، زه به ورسره ښوونځي ته راتلم، اوس چې مکتبونه بند شوي، هغه ډېره خفه کېږي.»

د شپږم ټولګي زده‌کوونکې  هاجره وايي: «د طالبانو له مشرانو نه مو دا غوښتنه ده چې له شپږم ټولګي پورته د نجونو مکتبونه خلاص کړي، زموږ په زړه کې چې ارمانونه دي، هغه پوره او موږ ډاکټرانې شو.»

ورته مهال قومي مشران او ښوونکي هم له شپږم ټولګي پورته د نجونو پر وړاندې د ښوونځيو تړلې دروازې د هېواد د راتلونکي په زيان بولي.

قومي مشر عنایت‌الله په‌دې‌ اړه طلوع‌نیوز ته زیاتوي: «امارت باید دې خلکو ته اجازه ورکړي، څو دغه شاګردان یو څه یاد کړي، ځکه حالات داسې دي چې مشکلات ډېر دي.»

ښوونکی عبدالله وايي: «یو کال نه‌دی، پنځه-شپږ میاشتې نه‌دي، دا دی تقریباً دویم کال پوره کېږي، د خلکو استعداد او غوښتنې ټولې له خاورو سره خاورې شوې.»

په همدې حال کې د لغمان ولايتي مسوولان ډاډ ورکوي چې د نجونو د ښوونځيو د پرانيستې لپاره لومړني قدمونه اخيستل شوي.

د لغمان د پوهنې رييس  مولوي شاه جهان ساجد وايي: «څو ورځې مخکې د سړو سیمو لپاره د دولسم ټولګي له نجونو ازموینه واخیستله، ان‌شاء الله تعالی دا د ټول افغانستان لپاره یو لوی پرمختګ دی.»

د شمېرو له مخې، د لغمان په ۳۳۸ ښوونځيو کې نږدې ۲۲۷ زره ښځينه او نارينه زده‌کوونکي پر زده کړو بوخت دي، خو ۱۰۴ ښوونځي يې لا هم ودانۍ نه‌لري.

په لغمان کې د نجونو او هلکانو د دوو ښوونځیو ودانۍ ګټې اخيستنې ته وسپارل شوې

له دې سره سم، نجونې زده‌کوونکې په نوې ودانۍ کې د زده‌کړو پيل ته خوښي ښيي، خو له شپږم ټولګي پورته د نجونو ښوونځیو د برخلیک روښانه کولو غوښتنه کوي.

Thumbnail

د لغمان په الينګار کې د قلعټک د نجونو او د دې ولايت په اليشنګ ولسوالۍ کې قلعه‌نجيل د هلکانو د لېسو ودانۍ ګټې اخيستنې ته وسپارل شوې.

دا ودانۍ د افغانستان لپاره د سويډن کمېټې له لوري د ۱۳ مېليونه افغانيو په لګښت ورغول شوې چې ۳۸  تدريسي او اداري خونې لري او د شاوخوا ۱۲۰۰ نجونو په ګډون په‌کې نږدې درې زره زده کوونکي زده‌کړې کولای شي.

د سويډن کمېټې استازی عزت الله منصور وايي: «د افغانستان لپاره د سویډن کمېټې د شرقي زون د انجنیرۍ څانګې له لوري ټول ساختماني کارونه د اتوو میاشتو په موده کې تکمیل شول.»

له دې سره سم، نجونې زده‌کوونکې په نوې ودانۍ کې د زده‌کړو پيل ته خوښي ښيي، خو له شپږم ټولګي پورته د نجونو ښوونځیو د برخلیک روښانه کولو غوښتنه کوي.

زده‌کوونکې بي‌بي امنه وايي: «زما خور په یوولسم ټولګي کې وه، زه به ورسره ښوونځي ته راتلم، اوس چې مکتبونه بند شوي، هغه ډېره خفه کېږي.»

د شپږم ټولګي زده‌کوونکې  هاجره وايي: «د طالبانو له مشرانو نه مو دا غوښتنه ده چې له شپږم ټولګي پورته د نجونو مکتبونه خلاص کړي، زموږ په زړه کې چې ارمانونه دي، هغه پوره او موږ ډاکټرانې شو.»

ورته مهال قومي مشران او ښوونکي هم له شپږم ټولګي پورته د نجونو پر وړاندې د ښوونځيو تړلې دروازې د هېواد د راتلونکي په زيان بولي.

قومي مشر عنایت‌الله په‌دې‌ اړه طلوع‌نیوز ته زیاتوي: «امارت باید دې خلکو ته اجازه ورکړي، څو دغه شاګردان یو څه یاد کړي، ځکه حالات داسې دي چې مشکلات ډېر دي.»

ښوونکی عبدالله وايي: «یو کال نه‌دی، پنځه-شپږ میاشتې نه‌دي، دا دی تقریباً دویم کال پوره کېږي، د خلکو استعداد او غوښتنې ټولې له خاورو سره خاورې شوې.»

په همدې حال کې د لغمان ولايتي مسوولان ډاډ ورکوي چې د نجونو د ښوونځيو د پرانيستې لپاره لومړني قدمونه اخيستل شوي.

د لغمان د پوهنې رييس  مولوي شاه جهان ساجد وايي: «څو ورځې مخکې د سړو سیمو لپاره د دولسم ټولګي له نجونو ازموینه واخیستله، ان‌شاء الله تعالی دا د ټول افغانستان لپاره یو لوی پرمختګ دی.»

د شمېرو له مخې، د لغمان په ۳۳۸ ښوونځيو کې نږدې ۲۲۷ زره ښځينه او نارينه زده‌کوونکي پر زده کړو بوخت دي، خو ۱۰۴ ښوونځي يې لا هم ودانۍ نه‌لري.

شریک یي کړئ

په دې اړه مو اندونه