د زابل په څلورو ولسوالیو کې، د اوو ښوونځیو د بیارغونې چارې چې د یونېسف په مالي ملاتړ پیل شوې وې، پای ته ورسېدې.
د دغه ولایت د پوهنې ریاست مسوولین وایي، چې د یادو ښوونځیو پر رغونه ټولټال ۷۰ زره امریکایي ډالره لګښت راغلی او په بشپړېدو سره به شپږ زره زده کوونکو ته د زدهکړو زمینه برابره شي.
د زابل د پوهنې ریاست مرستیال محمد نسیم نصیر وویل:«په څلورو ولسوالیو کې اوه ښوونځي د ۷۰ زره امریکايي ډالرو په لګښت رغول شوي دي.»
ورته مهال، د رغولو شویو ښوونځیو یو شمېر ښوونکي د خوښۍ په څرګندولو سره، له مسوولینو غواړي چې د دغه ولایت په نورو سیمو کې هم ځينې ښوونځي چې د تېرو جګړو پر مهال ویجاړ شوي، بېرته ورغوي.
ښوونکی عبدالولي وايي:«زدهکوونکي او ښوونکي لرو یوازې د ټولګیو او ودانۍ د ویجاړۍ ستونزه وه او هغه هم د یونېسف موسسې له خوا حل شوه.»
بل ښوونکی محمد نبي هم څرګندوي:«ډېر خوشحاله یم له دې مخکې درسي ټولګيو ډېرې ستونزې لرلې او زدهکوونکي له ستونزو سره مخامخ وو.»
ښوونکی سرور هم زیاتوي:«د دغې ودانۍ او درسي تولګیو له رغولو سره، زدهکوونکي د تېر پرتله په ښه بڼه درسونو ته راځي.»
د سیمهییزو مسوولانو د معلوماتو له مخې، دا مهال په دغه ولایت کې د ملګرو ملتونو له ماشومانو د ملاتړ صندوق (یوتېسف) په مالي ملاتړ د اتو نورو ښوونځیو د رغولو چارې هم دوام لري چې ژر به ګټې اخیستنې ته وسپارل شي.
په دې اړه مو اندونه