Skip to main content
وروستي خبرونه
تصویر بندانگشتی

په بلخ کې د نجونو ښوونځیو د پرانیستلو په اړه د زده‌کوونکو غوښتنې

په بلخ ولایت کې یو شمېر نجونې زده‌کوونکې له اسلامي امارته غواړي چې ژر تر ژره د دوی پر وړاندې د ښوونځیو دروازې پرانیزي.

د دوی په خبره، د ښوونځیو بند پاتې کېدو له امله له ناڅرګند برخلیک سره مخ شوې دي.

زده‌کوونکې نازنین وايي: «له دلته مو غوښتنه ده چې ښوونځي ته د تلو اجازه راکړي.»

یوه بله زده‌کوونکې تانیا وايي: «موږ له اسلامي امارته هیله لرو چې د ټولو نجونو پر مخ د ښوونځیو دروازې پرانیزي، څو د نورو هېوادونو په څېر خپلو درسونو ته دوام ورکړو.»

منیژه چې د مزارشریف ښار په یوه ښوونځي کې د دوولسم ټولګي زده کوونکې ده، وايي، هیله یې درلوده چې د نجونو پر وړاندې به د ښوونځیو دروازې پرانیستل شي، خو هیله یې پوره نه‌شوه او له ناروښانه برخلیک سره مخ ده.

نوموړې په‌دې اړه طلوع‌نیوز ته وايي: «له نوي کال وړاندې هیله‌من و چې په نوي ښوونیز کال کې کولای شو خپلو درسونو ته دوام وکړو، خو له بده مرغه زموږ پر مخ د ښوونځیو دروازې خلاصې نه شوې.»

په همدې حال کې د بلخ د والي مرستیال وایي، د نجونو ښوونځیو په اړه هر هغه پرېکړه‌ چې د اسلامي امارت رهبري ونیسي، دوی یې عملي کوي.

د بلخ د والي مرستیال نورالهادي ابو ادریس وايي: «اسلامي امارت خپله هڅه کوي او دا مساله د بحث وړ ده، هر وخت چې زموږ مشرانو پرېکړه وکړه، بیا تاسو ته هم همغه وخت مالومات درکول کېږي.»

بل‌خوا، د ښځو د حقونو یو شمېر فعالانې له شپږم ټولګي پورته د نجونو ښوونځیو بند پاتې کېدل د سرپرست حکومت په ګټه نه بولي او د اسلامي امارت له مسوولانو غواړي چې نجونو ته د زده‌کړو زمینه برابره کړي.

د ښځو د حقونو فعاله تفسیر سیاه پوش وايي: «موږ ویلای شو چې د ټولنې نیمه برخه په پام کې نه نیول په ټولنه کې د ښځو برخلیک نه‌شي مالومولی او اسلامي امارت هم نه‌شي کولای یوه غوره راتلونکې ولري.»

د ښځو د حقونو فعاله ثریا پیکان زیاتوي: «نن د افغانستان نجونې او ښځې له خپلو اسلامي او بنسټیزو حقونو بې‌برخې دي او باید د اسلامي شریعت له مخې یې حقونه ورکړل شي.»

له شپږم ټولګي پورته د نجونو ښوونځیو د خلاصون غوښتنه داسې مهال کېږي چې د پوهنې وزارت سرپرست پنجشیر ولایت ته د سفر پر مهال په خپلو تازه څرګندونو کې د ښوونځیو بند پاتې کېدو لامل د شرایطو نه برابرېدل بولي او وایي، په‌دې اړه به د هېواد دیني عالمان پرېکړه وکړي.

په بلخ کې د نجونو ښوونځیو د پرانیستلو په اړه د زده‌کوونکو غوښتنې

از سویی هم، معاون والی بلخ می‌گوید که آن‌ها منتظر عملی کردن تصمیم نهایی رهبری امارت اسلامی در مورد بازگشایی مکتب‌های دختران استند.

تصویر بندانگشتی

په بلخ ولایت کې یو شمېر نجونې زده‌کوونکې له اسلامي امارته غواړي چې ژر تر ژره د دوی پر وړاندې د ښوونځیو دروازې پرانیزي.

د دوی په خبره، د ښوونځیو بند پاتې کېدو له امله له ناڅرګند برخلیک سره مخ شوې دي.

زده‌کوونکې نازنین وايي: «له دلته مو غوښتنه ده چې ښوونځي ته د تلو اجازه راکړي.»

یوه بله زده‌کوونکې تانیا وايي: «موږ له اسلامي امارته هیله لرو چې د ټولو نجونو پر مخ د ښوونځیو دروازې پرانیزي، څو د نورو هېوادونو په څېر خپلو درسونو ته دوام ورکړو.»

منیژه چې د مزارشریف ښار په یوه ښوونځي کې د دوولسم ټولګي زده کوونکې ده، وايي، هیله یې درلوده چې د نجونو پر وړاندې به د ښوونځیو دروازې پرانیستل شي، خو هیله یې پوره نه‌شوه او له ناروښانه برخلیک سره مخ ده.

نوموړې په‌دې اړه طلوع‌نیوز ته وايي: «له نوي کال وړاندې هیله‌من و چې په نوي ښوونیز کال کې کولای شو خپلو درسونو ته دوام وکړو، خو له بده مرغه زموږ پر مخ د ښوونځیو دروازې خلاصې نه شوې.»

په همدې حال کې د بلخ د والي مرستیال وایي، د نجونو ښوونځیو په اړه هر هغه پرېکړه‌ چې د اسلامي امارت رهبري ونیسي، دوی یې عملي کوي.

د بلخ د والي مرستیال نورالهادي ابو ادریس وايي: «اسلامي امارت خپله هڅه کوي او دا مساله د بحث وړ ده، هر وخت چې زموږ مشرانو پرېکړه وکړه، بیا تاسو ته هم همغه وخت مالومات درکول کېږي.»

بل‌خوا، د ښځو د حقونو یو شمېر فعالانې له شپږم ټولګي پورته د نجونو ښوونځیو بند پاتې کېدل د سرپرست حکومت په ګټه نه بولي او د اسلامي امارت له مسوولانو غواړي چې نجونو ته د زده‌کړو زمینه برابره کړي.

د ښځو د حقونو فعاله تفسیر سیاه پوش وايي: «موږ ویلای شو چې د ټولنې نیمه برخه په پام کې نه نیول په ټولنه کې د ښځو برخلیک نه‌شي مالومولی او اسلامي امارت هم نه‌شي کولای یوه غوره راتلونکې ولري.»

د ښځو د حقونو فعاله ثریا پیکان زیاتوي: «نن د افغانستان نجونې او ښځې له خپلو اسلامي او بنسټیزو حقونو بې‌برخې دي او باید د اسلامي شریعت له مخې یې حقونه ورکړل شي.»

له شپږم ټولګي پورته د نجونو ښوونځیو د خلاصون غوښتنه داسې مهال کېږي چې د پوهنې وزارت سرپرست پنجشیر ولایت ته د سفر پر مهال په خپلو تازه څرګندونو کې د ښوونځیو بند پاتې کېدو لامل د شرایطو نه برابرېدل بولي او وایي، په‌دې اړه به د هېواد دیني عالمان پرېکړه وکړي.

شریک یي کړئ

په دې اړه مو اندونه