د ميدان وردګو په بهسود اول ولسوالۍ کې د «رواش» تر نامه لاندې علمي، کلتوري او سپورټي فېسټیوال ترسره شو.
په دغه فېسټیوال کې بېلابېلې دودیزې لوبې، لاسي صنایع، کورني توليدات او د مطالعې په موخه کتابونه نندارې ته وړاندې شول.
د فېسټیوال ګډونوال حکمت وياړ وویل:«د کوچيانو او هزراه وروڼو ترمنځ چې کومه ستونزه وه هغه په ښه تفاهم سره حل شوی دی.»
فېسټیوال بل ګډونوال اسلامي الدين شاهروهي هم طلوعنیوز ته وايي:«خوشحاله یم چې نن مې په یوې کلتوري او سپورټي مېله کې ګډون کړی دی چې دلته د سپورټ بېلابېلې څانګې وې.»
فرهنګپالان او د رواش مېلې ګډونوال د قومونو ترمنځ د ټولنيزو اړيکو د پیاوړتيا، ميراثي دودونو ژوندي ساتلو په موخه، په راتلونکي کې هم د ورته فرهنګي، علمي او سپورټي مېلو د جوړولو غوښتنه کوي.
ورته مهال د ميدان وردګو والي وايي، هڅه کوي د کتاب لوستلو، لاسي صنعت د پياوړتيا او د قومي تر منځ د ستونزو د هواري په موخه به د ورته مېلو جوړول زیات کړي.
د ميدان وردګو د اطلاعاتو او کلتور رييس حبيب الله مجاهد وايي:«پوهان، ښوونکي، د قلم اهل او لیکوالان چې په هره لېسه کې چې دي باید یوه ښوونیزه غونډه جوړه کړي.»
د رواش فېسټيوال پرله پسې دویم کال دی چې د دغه ولایت په بهسود اول ولسوالۍ کې ترسره کېږي چې په پلازمېنه کابل سربېره د ګڼو ولایتونو اوسېدونکي او د بېلابېلو دودیزو لوبو لوبغاړي په کې ګډون کوي.
په دې اړه مو اندونه