Skip to main content
وروستي خبرونه
تصویر بندانگشتی

هرات کې د کتاب نندارتون؛ نجونې لا هم مطالعې ته لېواله دي

هرات ښار کې مطالعې ته د ځوانانو هڅونې په موخه د کتاب نندارتون جوړ شو.

د سړک پر غاړه دغه نندارتون کې تر ډېره له ښوونځيو محرومو نجونو ګډون کړی دی.

لاله صحرا چې د نجونو پر وړاندې د پوهنتونونو دروازو تر تړلو وروسته له زده کړو پاتې شوې د خپلې خوښې وړ کتابونو پیرلو لپاره دغه نندارتون ته راغلې. 

هغه وايي، له زده کړو محرومېدو هغه له کتاب او مطالعې لرې کړې نه ده.

زده کړیالې، لاله صحرا وویل: « زه په دویم سمسټر کې وم چې د ځینو ستونزو له امله پوهنتون وتړل شو، مطالعې سره مینه لرم، د پوهنتونو د تړلو سربېره هم له کتابه نه یم لرې شوې.»

د نندارتون ترتیب کوونکي، عبدالله مومني هم وویل: « د کتاب نندارتون په لاره اچوال د دې ښکارندوینه کوي چې ټولنه یوه پوه او کلتوري ټولنه ده او دغه ټولنه کې امنیت شته.»

ډېری ځوانان وايي له مطالعې سره لېوالتیا لري خو د خوښې وړ کتابونو د پېرلو وس نلري.

دوی په دې باور دي چې د افغانستان روښانه راتلونکي لپاره باید خلک په ځانګړې توګه ځوانان مطالعې ته مخه وکړي.

د هرات اوسېدونکي، محمد صفت مشفق وویل: « ځوانانو لپاره مطالعه ډېره ګټوره ده څو څه زده کړي.»

زده کړیال، نجیب الله محمدي هم وویل: « مطالعه د دې لامل کیږي چې ډېر زموږ ذهن د پخوانیو او راتلونکو مسایلو په اړه پوه شي.»

د سړک پر غاړه د کتابونو دغه نندارتون داسې مهال جوړېږي چې د یو شمېر کتاب پلورونکو په خبره هرات کې د نورو کلونو په پرته د کتاب پلور بازار سوړ شوی.

د نجونو پر وړاندې له شپږم ټولګي پورته د ښوونځيو او پوهنتونونو د دروازو تړل د دغه بازار د سړېدو یو لامل ګڼل کیږي.

هرات کې د کتاب نندارتون؛ نجونې لا هم مطالعې ته لېواله دي

ډېری ځوانان وايي له مطالعې سره لېوالتیا لري خو د خوښې وړ کتابونو د پېرلو وس نلري.

تصویر بندانگشتی

هرات ښار کې مطالعې ته د ځوانانو هڅونې په موخه د کتاب نندارتون جوړ شو.

د سړک پر غاړه دغه نندارتون کې تر ډېره له ښوونځيو محرومو نجونو ګډون کړی دی.

لاله صحرا چې د نجونو پر وړاندې د پوهنتونونو دروازو تر تړلو وروسته له زده کړو پاتې شوې د خپلې خوښې وړ کتابونو پیرلو لپاره دغه نندارتون ته راغلې. 

هغه وايي، له زده کړو محرومېدو هغه له کتاب او مطالعې لرې کړې نه ده.

زده کړیالې، لاله صحرا وویل: « زه په دویم سمسټر کې وم چې د ځینو ستونزو له امله پوهنتون وتړل شو، مطالعې سره مینه لرم، د پوهنتونو د تړلو سربېره هم له کتابه نه یم لرې شوې.»

د نندارتون ترتیب کوونکي، عبدالله مومني هم وویل: « د کتاب نندارتون په لاره اچوال د دې ښکارندوینه کوي چې ټولنه یوه پوه او کلتوري ټولنه ده او دغه ټولنه کې امنیت شته.»

ډېری ځوانان وايي له مطالعې سره لېوالتیا لري خو د خوښې وړ کتابونو د پېرلو وس نلري.

دوی په دې باور دي چې د افغانستان روښانه راتلونکي لپاره باید خلک په ځانګړې توګه ځوانان مطالعې ته مخه وکړي.

د هرات اوسېدونکي، محمد صفت مشفق وویل: « ځوانانو لپاره مطالعه ډېره ګټوره ده څو څه زده کړي.»

زده کړیال، نجیب الله محمدي هم وویل: « مطالعه د دې لامل کیږي چې ډېر زموږ ذهن د پخوانیو او راتلونکو مسایلو په اړه پوه شي.»

د سړک پر غاړه د کتابونو دغه نندارتون داسې مهال جوړېږي چې د یو شمېر کتاب پلورونکو په خبره هرات کې د نورو کلونو په پرته د کتاب پلور بازار سوړ شوی.

د نجونو پر وړاندې له شپږم ټولګي پورته د ښوونځيو او پوهنتونونو د دروازو تړل د دغه بازار د سړېدو یو لامل ګڼل کیږي.

شریک یي کړئ

په دې اړه مو اندونه