د پروان سیمه ییز مسوولین وايي، په تېر یو کال کې د ملګرو ملتونو د ماشومانو ملاتړ صندوق دغه ولایت د اوبو رسولو ۲۴ شبکې جوړې کړې دي.
د اوبو دغو شبکو جوړولو باندې ۷۳ میلیونه افغانۍ لګښت راغلی چې له ۲۳ زره ډېری کسانو له پاکو اوبو برخمنې شوې دي.
د پروان د کلیو، بیارغونې او پراختیا رییس، عبدالصمد صادق و ویل: "د پروان د کلیو پراختیا او بیارغونې ریاست د ۷۳ میلیونه افغانیو په لګښت د اوبو رسولو ۲۴ شبکې جوړې کړي، چې ۳۰۰۰ کسانو ته یې د کار زمینه برابره کړې او ۲۳ زره کسان یې له پاکو او صحي اوبو برخمن کړي دي."
د پروان اوسېدونکو د اوبو رسولو دغو شبکو ته خوشحاله دي او وايي تر دې وړاندې د څښاک پاکو اوبو برابرولو برخه کې له جدي ستونزو سره مخ و.
د پروان يوه اوسېدونکي عبدالوحید وويل: "اوس زموږ لپاره اسانتياوې رامنځته شوې، زموږ په کور کې د اوبو نل پرې شوى، خلک صحي اوبه څښي."
د عبدالرشید په نامه یو بل اوسېدونکی وايي: "له همدې امله د شپې په ۱۱ یا ۱۲ بجو به مو تل خپلې کورنۍ، ښځې او ماشومان لیدل چې د پاکو اوبو د موندلو لپاره د اوبو بشکې غورځولې."
په همدې حال روغتیاپالان وايي، له ناپاکو اوبو څخه په استفادې ماشومان او عمر خوړلي کسان په بېلابېلو ناروغیو اخته کېږي.
د پروان ولایتي روغتون سرطبیب، عبدالخلیل حیدري وايي: «د اوبو ویالې، نهرونه او څاګانې چې سر خلاصې وي غیر صحي دي او د هغو کارول تر ډیره په ماشومانو او ماشومانو کې د نس ناستې لامل کیږي، ځکه چې لویان ډیر مقاومت لري، دوی کولی شي مقاومت وکړي، مګر ماشومان ډیر ناروغه کیږي او ژر خرابیږي.»
دا پداسې حال کې ده چې د (کوکلامي) اوبو د لېږد پروژه چې چارې یې په ۱۳۹۵ لمریز کال کې د شپږ میلیونه افغانیو په لګښت پیل شوې وې خو له دې اوبو یوازې د پروان مرکز چاریکار ښار کم شمېر اوسېدونکي استفاده کوي.