نن د جولای ۳۰مه د پښتو ژبې د نوموتي شاعر، پيرمحمد کاروان د ورځې په نوم نومول شوې ده.
افغان ليکوالان او شاعران په دغه ورځ د کاروان د شاعرۍ او نثر قدردانی کوي.
د پښتو ادب استادان، پير محمد کاروان د معاصرې دورې بې جوړې شاعر ګڼي.
پیر محمد کاروان د پښتو په اوسنیو شاعرانو کې هغه شاعر دی چې د افغانستان اوږده غمیزه یې په ډېر ژور او هنري انداز خپله شاعري کې انځور کړې ده.
افغان ليکوالان او اديبان، پيرمحمد کاروان د معاصرې دورې مخکښ شاعر بولي.
د پير محمد کاروان د شعري چينې اوبه دومره سپنې، رڼې او خوږې دي، چې هېڅوک يې پر څښلو نه مړېږي.
د شعر ليکلو د ځانګړي سبک تر څنګ د هغه خاموش انداز او شخصيت هم ډېر خلک اغېزمن کړي ډي.
نن ورځ لسګونه افغان ليکوالانو، شاعرانو او ادیبانو د پيرمحمد کاروان ستاينې ته ځانګړې کړې وه او له کاروان سره د ډېرې مينې په خاطر يې، په ژوندوني د هغه د خدمتونو ستاينه کړې ده.
کاروان د شعر د مینانو له بې حده ستاينې مننه او قدرداني کړې ده.
پيرمحمد کاروان د خوست ولایت د تڼيو ولسوالۍ اوسېدونکی دی. هغه د پښتو ادب د غنا لپاره د منظومو ټولګو تر څنګ نثري ټولګې هم چاپ کړې دي.
په دې اړه مو اندونه