د عامې روغتیا وزارت تېره شپه ورځ کې د کرونا ویروس د ۲۶۳ مثبتو پېښو له ثبته خبر ورکوي.
د یاد وزارت د مالوماتو له مخې چې نن(چهارشنبې د لیندۍ په ۱۲مه نېټه) له رسنیو سره شریک شوي دي، ښیې چې تازه پېښې د ۱۳۵۸ کتل شویو مشکوکو نښو پایله ده.
همداراز تېره شپه ورځ کې د کوویډ۱۹ ناروغۍ له کبله ۲۲ تنه مړه شوي دي.
د یادولو ده چې تازه پېښې ۷۵ کابل، ۲۸ هرات، ۲۱ کندهار، ۲۴ بلخ، ۲۵ ننګرهار، ۷ بغلان، ۱۴ پروان، ۵ دایکندي، ۷ نیمروز، ۳ لوګر، ۵ غزني، ۳۴ کاپیسا، ۱ پنجشېر، ۶ زابل، ۶ فاریاب او ۲ هم په نورستان کې ثبت شوې دي.
له دې سره هېواد کې د کرونا ویروس د ټولو مثبتو پېښو شمېر ۴۶ زره او ۹۸۰ ته ورسېدې چې له ډلې یې ۷۷۴۸ یې فعالې دي.