د عامې روغتیا وزارت نن اعلان کړه، چې په تېرو څلروېشت ساعتونو کې په افغانستان کې ۱۴۵ تازه مثبتې پېښې ثبت شوي دي.

د دغه وزارت د شمېرو له مخې، په دغې موده کې د کوویډ۱۹ ناروغۍ ۱۳ ناروغانو خپل ژوند له لاسه ورکړی او ۲۷۴ تنه نور بیا رغېدلي دي.

له دې ډلې په کابل کې ۵۵، غزني کې ۱۱، ننګرهار کې ۱۷، کندهار کې ۲، بلخ کې ۱، تخار کې ۳، بغلان کې ۶، کندوز کې۱، پکتیا کې ۷، پروان کې ۴، بامیان کې ۱، وردک کې ۷، بدخشان کې ۵، کاپيسا کې ۶، کنړ کې ۱، لغمان کې ۴، پنجشیر کې ۳، زابل کې ۲، غور کې ۱، خوست کې ۱ او پکتیکا کې ۷ تازه پېښې ثبت شوي دي.

او د مړه شوېو کاسنو له ډلې په کابل کې ۹ کسه، ننګرهار کې ۱کس، لغمان کې ۲ کسه او په پکتیکا کې د یوه کس د مړینې راپور ورکړل شوی.

له دغې شمېرو سره، په افغانستان کې په کرونا د اخته کسانو شمېر ۵۹ زره او ۳۷۰ تنو ته ورسېد.

له دغې ډلې، ۲زره او ۶۱۱ کسان مړه شوي او ۵۲ زره او ۷۹۴ تنه نور بیا رغیدلي دي.