د عامې روغتیا وزارت وایي، چې په تېرو څلروېشت ساعتونو کې په هېواد کې د کرونا ۲۰۶ تازه مثبتې پېښې ثبت شوي.
د دغه وزارت د شمېرو لهمخې، په دغه موده کې د کرونا له کبله ۷ تنه مړه شوي او ۱۸۰ تنه نور بیا رغېدلي دي.
له دې ډلې په ننګرهار کې ۷۸، په کندهار کې ۳۴، په حوست کې ۱۵، په میدان وردک کې ۱۳، په کابل کې۲۰ ، په بلخ کې ۶، په تخار کې ۲، په کندوز کې ۳، په پکتیا کې ۶، په پروان کې ۹، په کنړ کې ۱، په لغمان کې ۹، په پنجشیر کې ۲، په زابل کې ۲ او په نورستان کې د دغې ناروغۍ ۶ تازه مثبتې پېښې ثبت شوي دي.
په کابل کې ۴، په خوست کې ۲ او په پکتیا کې یو کس د دغې ناروغۍ له امله خپل ژوند له لاسه ورکړی دی.
له دغو شمېرو سره، په هېواد کې د کرونا ناروغانو شمېر ۵۹ زره او ۵۷۶ تنو ته ورسېد.
له دې ډلې، ۲ زره او ۶۸ کسانو ژوند له لاسه ورکړی او ۵۲ زره او ۹۷۴ تنه نور بیا رغېدلي دي.