د سردار محمد داوود خان په روغتون کې د یوې ماشومې د هډوکي جراحي عملیات په بریالي توګه ترسره شو.
هغه ډاکټر چې دغه عملیات یې ترسره کړی وايي چې لاهم په دغه روغتون کې د ناروغانو د درملنې لپاره ظرفیتونه شته.
د اورټوپېډي جراحۍ پروفېسور عبدالولي احمدزی وايي:«زموږ په روغتون کې له مخکې تخصصي او کدري وړتیاوې موجودې وې او اوس هم موجودې دي او همدارنګه د یادولو وړ ده چې د شهید سردار محمد داوود خان روغتون محترم مسوولین تل هڅه کې چې د ناروغو هېوادوالو د درمنلې لپاره ښې زمینې برابرې کړي.»
ساره هغه دیارلس کلنه ماشومه ده،چې د خپلو پښو له غیرعادي حالته ځورېده، خو اوس له عملیاتو وروسته خوښه ده،چې په عادي توګه ګرځېدلای شي.
ناروغه ساره څرګندوي:«ما څو روغتونونو ته مراجعه وکړه خو تکلیف مې ښه نه شو، اوس د څلورسوه بستریز روغتون ته راغلې یم او عملیات مې وشو او اوس ښه یم.»
بل خوا د سارې پلار وایي،چې د اقتصادي ستونزو له امله یې د خپلې لور د درملنې وس نه درلود.
د ناروغې پلار تور محمد وویل:«هیله لرم چې د ډاکټرانو دواړه دنیاوې ښې او خوشحاله وي.»
یو شمېر هېوادول د خپلو ناروغانو د درملنې لپاره ګاونډیو هېوادونو ته ځي او د درملنې لپاره خپلې ډېرې پیسې لګوي.
په دې اړه مو اندونه