د عامې روغتیا وزارت د مالوماتو له مخې تېرو ۲۴ ساعتونو کې د کوویډ۱۹ ناروغۍ له کبله ۱۷ تنه مړه شوي دي.
د یاد وزارت د مالوماتو له مخې چې نن(یکشنبې د چنګاښ په ۲۹مه نېټه) یې له رسنیو سره شریکې کړې دي ښیې چې اعلان شوې شمېرې د ۶۳۳ مشکوکو کتل شویو نښو پایله ده.
د کرونا ویروس د تازه پېښو له ثبت سره هېواد کې د ټولو مثبتو پېښو شمېر ۳۵ زره او ۴۶۳ ته ورسید.
تېره شپه ورځ کې ۳۶۱ تنه د کوویډ۱۹ناروغان روغ شوي هم دي.
دتازه پېښو له ډلې کابل کې (۶۶)، هرات (۲۷)، بادغیس (۲۲)، بامیان (۲۰)، کندهار (۲)، پکتیا (۳)، تخار(۶)، ننګرهار (۴)، بغلان (۲)، کندز (۵)، بدخشان (۷)، پروان (۳)، وردک (۱)، هلمند (۱)، غور (۴) او ارزګان کې هم (۱)، ثبت شوې دي.
تر اوسه هېواد کې د کرونا ویروس له کبله ۱زره او ۱۸۱ تنه د کوویډ۱۹ ناروغۍ له کبله مړه شوي او ۲۳ زره او ۶۴۱ هم روغ شوي دي.