تېره شپه ورځ کې د هېواد په کچه د کرونا ویروس ۲۱۰ مثبتې پېښې ثبت شوې دي او ۱۷ تنه هم مړه شوي دي.
د عامې روغتیا وزارت د مالوماتو له مخې چې نن چهارشنبې(د چنګاښ په ۱۸مه نېټه) یې خپاره کړي، ښیې چې یاده موده کې د کرونا ویروس ۵۹۱ مشکوکې نښې کتل شوې دي.
اوس مهال هېواد کې د کرونا ویروس د ټولو مثبتو پېښو شمر ۳۳ زره او ۵۹۴ ته رسیږي چې له ډلې یې ۱۱ زره او ۹۵۷ یې فعالې دي.
د وزارت مالومات ښیې، تر اوسه تېره شپه ورځ کې ۵۴۹ تنه د کوویډ ۱۹ ناروغان روغ شوي چې له دې سره د ټولو روغو شویو کسانو شمېر ۲۰زره ۷۰۰ ته رسیږي او د ټولو مړو شویو کسانو شمېر هم ۹۳۷ دی.