د عامې روغتیا وزارت د مالوماتو له مخې تېرو ۲۴ ساعتونو کې د هېواد په کچه کرونا ویروس ۱۸۶ مثبتې پېښې ثبت شوې او له دې سره د ټولو مثبتو پېښو شمېر ۳۲۰۲۲ ته ورسید.
د یاد وزارت د مالوماتو له مخې چې نن پنجشنبې(د چنګاښ په ۱۲مه نېټه) یې خپاره کړي، ښیې چې تېره شپه ورځ کې ۳۳ تنه د کوویډ ۱۹ ناروغۍ له کبله مړه شوي هم دي.
د عامې روغتیا وزارت وايي، د هېواد ۱۴ ولایتونو کې ۵۱۹ مشکوکې نښې کتل شوې دي.
اوسمهال هېواد کې د کوویډ۱۹ ناروغۍ له کبله د مړو شویو کسانو شمېر ۸۰۷ ته رسیږي او د ۴۴۰ تازه روغو شویو سره ۱۶۰۱۴ تنه روغ شوي هم دي.
د تازه ثبت شویو پېښو له ډلې ۶۱ یې کابل، ۳۴ هرات، ۳ بغلان، ۷ لوګر،۱۶ بادغیس، ۶ کندهار، ۱۴ بلخ، ۱ ننګرهار،۶ پروان، ۲ میدان وردګ،۲لغمان،۳۱ دایکندي، یوه غور او یوه هم هلمند ولایت کې ثبت شوې ده.
د مالوماتو له مخې ۳۳ تنه په کابل، ننګرهار، تخار، بادغیس، نیمروز او پروان کې مړه شوي دي.