د شپني خبرونه
له طلوع نیوز څخه په ګټې اخیستنې سره رامنځه ته شو
د لمر د ۷ بجو خبرونه، ۱۳۹۹ د تلې ۶ مه نېټه
د کاپيسا ولایت د ښځو چارو رییسې شکیبا سیفي نن (یکشنبې د تلې په ۶مه) وویل چې دوه شپې مخکې د دغه ولایت د کوهستان ولسوالۍ په دویمې حصه کې ۱۱ تنو پر دوه نجونو ډله ییز جنسي تېری کړی دی.
شکیبا سیفي زیاته کړه چې د امنیتي ننګونو له امله، تراوسه نه ده توانېدلې چې د پېښې سیمې ته ولاړه شي.
د کاپیسا د ښځو چارو ریاست د شمېرو پربنسټ د روان کال له پيله تراوسه په دغه ولایت کې د ښځو په وړاندې د تاوتریخوالي ۷۰ پېښې رامنتځه شوې دي.